စာရေးခြင်းဆိုတဲ့အလုပ်နဲ့ အတော်ကြီး ကင်းကွာနေသလို စာဖတ်ခြင်းတွေလည်း အနည်းငယ်ကျဲနေသည်မို့  သည်အခြေအနေကို ဘယ်လိုမှ မနှစ်မြို့ ပေမဲ့ ရှားမှရှားတဲ့အချိန်တွေထဲ အားလပ်တဲ့ အနည်းငယ်သော အချိန်လေးကိုနေရာချဖို့  အတော်ကို ခက်လှပါသည်။ ဖေ့ဘွတ်ဆိုတဲ့ ရွှေပင်လယ်ကြီးထဲက တင်လိုက်သမျှပို့ စ်တွေ၊ သတင်းတွေ၊ စာ၊ ကဗျာတွေကိုပဲ အလျှင်မီအောင် မနည်းကိုကြည့်ရင်း စိတ်တိုစရာရှိတိုလိုက်၊ စိတ်ညစ်စရာရှိညစ်လိုက် ပျော်စရာတွေ့ ပျော်လိုက်နဲ့ ပဲ ဂျာအေးသူ့ မေရိုက်နေသည်မှာ အချိန်အတော်လင့်ပြီ။ စုံလိုက်သမျှသတင်းဆိုတာကတော့ ဘယ်သတင်းစာ၊ ဘယ်ဂျာနယ်မှ အစုံအစိ မပါနိုင်တဲ့ သတင်းပိစိလေးကအစအချိန်နဲ့ တပြေးညီအမြန်သိနိုင်သည်က ထိုဖေ့ဘွတ်ကြီးမှပင်ဖြစ်ပေသည်။
အခုရက်ပိုင်းမှာပဲ လူပြောအများဆုံး၊ အဝေဖန်ဆုံးဖြစ်နေသည်ကတော့ မျိုးစောင့်ဥပဒေမူကြမ်းတဲ့။ ကျွန်မကတော့ ဥပဒေအကြောင်းကို ကောင်းစွာသင်ကြား၊ လေ့လာဖူးသူလည်းမဟုတ်၊ အပြန်အလှန်ဝင်ရောက် ဆွေးနွေးရလောက်အောင်လည်း ဗဟုသုတနည်းပါးသူမို့ ဒီဥပဒေမူကြမ်းကို ဝေဖန်အကြုံပြုစရာ မလိုနေလောက်အောင်ပဲ တကယ့်ကို နားလည်တတ်သိပြီး ဥပဒေကြောင်းတွေကို ထုံးလိုမွှေ ရေလို့နှောက်၊ ဒေါက်ဒေါက် ဒေါက်နဲ့ကို ချပြနိုင်တဲ့ ပညာရှင်တွေကသာ ဆွေးနွေးဆုံးဖြတ်ကြလိမ့်မည်လို့ပဲ အခိုင်အမာယုံကြည်ပါသည်။ ဒါကိုပဲ သိတာလေးတစ်ထွာတစ်မိုက်ကို လူတတ်ကြီးလုပ် ငြင်းခုန်၊ စွပ်စွဲကြရုံမျှမက၊ ရုန့်ရင်းကြမ်းစွာ ပြောဆိုရေးသားကြတာတွေကိုမြင်ရတော့ တကယ်ကိုပင် နားမလည်နိုင်ဖြစ်ရသည်။ ရှိစေတော့ လူချင်းတူသော်လည်း အသက်ရှုပုံချင်းတော့ ကွာမည်ပေါ့။
ကျွန်မရဲ့အယူအဆ၊ ခံယူချက်၊ ယုံကြည်မှုတွေကို အရင်းပြုပြီး အနည်းငယ်တော့ စဉ်းစားမိသည်။ ကျွန်မနားလည်ထားသလောက် ဥပဒေဆိုတာ အများက မကောင်းဘူးလို့ သတ်မှတ်ထားတဲ့အရာတွေကို မလုပ်ဖြစ်အောင်၊ မလုပ်မိအောင် ပြစ်ဒဏ်တစ်ခုခုနဲ့တွဲပြီး ချမှတ်ကျင်သုံးလိုက်တဲ့ စည်းကမ်းတစ်ခုပဲဟု မြင်သည်။ နိုင်ငံမှာလည်း စည်းကမ်းဆိုတဲ့ ဥပဒေရှိသလို အိမ်တိုင်းမှာလည်း အိမ်ရဲ့စည်းကမ်းဆိုတာ ရှိကြသည်။ နိုင်ငံတော်ဆိုသည်မှာ ဘာသာမတူ၊ လူမျိုးမတူသည့် လူသားအများအပြားနေထိုင်ကြသည်မို့ ထိုနိုင်ငံတော်၏ စည်းကမ်း(သို့)ဥပဒေသည် နေထိုင်သူအားလုံးအပေါ်တွင် အတတ်နိုင်ဆုံးမျှမျှတတ ဖြစ်စေနိုင်ရန် တတ်ကျွမ်းနားလည်သည့်ပုဂ္ဂိုလ်အပေါင်းက ကြိုးပမ်းချမှတ်ကြသာဖြစ်သည်။ သို့တည်းမဟုတ် ကိုးကွယ်ရာဘာသာတရားတစ်မျိုး၏ မူဝါဒ၊ အယူအဆ၊ ယုံကြည်မှုကို အခြေခံပြီး ချမှတ်ထားသည့်စည်းကမ်း၊ ဥပဒေများရှိသည်ဆိုလျှင်တော့ ထိုနိုင်ငံကို ဘာသာရေးအစွန်းရောက်နိုင်ငံဟုပင် သတ်မှတ်သုံးနှုန်းကြသေးသည်။ ဒီတော့ နိုင်ငံအနေဖြင့် တရားဝင်ချမှတ်ထားသည့် ဥပဒေများကို နိုင်ငံသားများက မလွဲမသွေလိုက်နာကြရသည်။
ကမ္ဘာပေါ်တွင် ဘာသာတရားပေါင်းများစွာကိုကိုးကွယ်၊ ယုံကြည်သူများ၊ ဘယ်ဘာသာကိုမှ မယုံကြည်သူများ အများအပြားရှိနေကြပေရာ ဘယ်သောအခါမှ မိမိဘာသာသည်သာ အကောင်းမွန်ဆုံး၊ အမြင့်မြတ်ဆုံး၊ ယုံကြည်ဖို့ရာ အသင့်တော်ဆုံးဟု ဆိုရန် မလျှော်ကန်လှပေ။ သိုပေမဲ့ ကျွန်မသက်ဝင်ယုံကြည်တဲ့ဗုဒ္ဓဘာသာ၏အဆုံးအမများကိုတော့ ပြန်လည်ကိုးကားချင်ပါသည်။
မြတ်စွာဘုရားရှင်ကိုယ်တော်မြတ်ကြီးက ဘယ်အရာတွေကတော့ဖြင့် လုပ်ရန်မသင့်တော်၊ ဘယ်အရာတွေကိုဖြင့် လုပ်သင့်သည် အဘယ်သို့သောလူမျိုးကိုဖြင့် အဆွေခင်ပွန်းဖွဲ့သင့်သည်၊ ဘယ်သူမျိုးကိုဖြင့် ရှောင်ကြဉ်အပ်သည်၊ ဘယ်သို့ဘယ်ပုံကောင်းအောင်နေထိုင်ပါ၊ ဘယ်လိုနေထိုင် ပြောဆိုလျှင်ဖြင့် လူအများမှဖယ်ခွာလိမ့်မည်၊ စသဖြင့် မြောက်မြားလှစွာသော တရားတော်တို့ကို ဟောကြားတော်မူခဲ့ပေမဲ့ မိမိကိုယ်တိုင်ထိုအဆုံးအမတို့ကို သေချာလေ့လာပြီး စဉ်းစားဆုံးဖြတ်ကာ ကိုယ်တိုင်တွေ့ကြုံခြင်းအားဖြင့် ဒါတွေကတော့မှန်နေတာပဲ၊ ဒါတွေက တကယ်ဖြစ်နေပါလား ဆိုပြီး လေးစားလိုက်နာမိပါသည်။ ထို့ကြောင့် မွေးဖွားကြီးပြင်းလာကတည်းက မိဘများမှ လက်ဆင့်ကမ်းပေးလိုက်သော မိရိုးဖလာ ဗုဒ္ဓဘာသာဝင် ဆိုသည့်ခေါင်းစဉ်အောက်မှ တဆင့်တက်ကာ ကိုယ်တိုင် သက်ဝင်ယုံကြည်သော ဗုဒ္ဓဘာသာဝင်အဖြစ် တိုးတက်လာခဲ့သည်။ မြတ်ဗုဒ္ဓ၏ အဆုံးအမများနှင့်အညီ အတတ်နိုင်ဆုံးစောင့်ထိန်း၊ နေထိုင်ခြင်းအားဖြင့် အဘယ်သို့သော မကောင်းမှုကိုမှ ချိုးဖောက်မိခြင်းမရှိတော့ပေ။ အမှန်အတိုင်း ဝန်ခံရလျှင် ကျွန်မတို့နိုင်ငံတွင်ချမှတ်ထားသော စည်းကမ်း၊ ဥပဒေများကို သေချာစွာ မဖတ်ရှုဖူးသော်လည်း ထိုစည်းကမ်း၊ ဥပဒေများနှင့် သွေဖီသွားစေမည့် အဘယ်သို့သောလုပ်ရပ်မျိုးကိုမှလည်း ယနေ့အချိန်အထိ မလုပ်ခဲ့မိဖူးချေ။ အချုပ်ဆိုသော် စစ်မှန်သော ဗုဒ္ဓဘာသာဝင်တစ်ဦးတစ်ယောက်အတွက် မည်သို့သော ဥပဒေ၊ စည်းကမ်းမျိုးကိုမှ တကူးတက ကြိုတင်ကာကွယ်ရန်ဟူသော ရည်ရွယ်ချက်ဖြင့် ချမှတ်ပေးရန် လိုအပ်လိမ့်မည်မထင်ပေ။ အကြင်သူ၏ ရင်ထဲတွင် မြတ်ဘုရား၏အဆုံးအများဖြင့် ထုံမွှန်းလျှက် ကံ ကံ၏အကျိုးကို မမေ့မလျော့ပဲ မြတ်ဗုဒ္ဓလမ်းပြတော်မူခဲ့သော နည်းနာနိဿယများကို အခြေခံကာ ကိုယ်တိုင်ကောင်းစွာနားလည် လက်ခံသဘောပေါက်ပြီး ကျင့်ကြံနေသည်ပင်လျှင် အရာခပ်သိမ်း လုံခြုံနေပြီဖြစ်သည်။ သူ့အတွက်တော့ စည်းကမ်း (သို့) ဥပဒေရှိခြင်း မရှိခြင်းသည် အဘယ်သို့သော ပြောင်းလဲမှုကိုမှ မဖြစ်စေနိုင်။ အကယ်၍ အကြင်သူသည် ဗုဒ္ဓဘာသာဝင်ပင်ဖြစ်လင့်ကစား မြတ်ဗုဒ္ဓ၏ တရားတော်တို့ကိုကောင်းစွာနားမလည်၊ မကျင့်ကြံ မလိုက်နာပဲ အမည်ခံဘာသာဝင်ဖြစ်နေခဲ့လျှင် ဘယ်သို့သော တင်းကျပ်စွာ ကာကွယ်သော စည်းကမ်း ဥပဒေများကို ချမှတ်ထားစေကာမူ လွယ်လင့် တကူချိုးဖောက်ရန်၊ ၎င်းတို့ဆန္ဒရှိသည်များကိုသာ ဦးစားပေးကျူးလွန်ကြရန် ဝန်လေးမည်မဟုတ်။ ထို့ကြောင့် မိမိဘာသာတရားကို အမှန်တကယ် ထိန်းသိမ်းကာကွယ်ရန် ဆန္ဒရှိကြလျှင် ဘယ်သို့သော မျိုးစောင့်စည်းကမ်း၊ ဥပဒေများကို ကြိုးစားချမှတ်လင့်ကစား၊ အမှန်တကယ်ကျင့်ကြံလိုက်နာမှသာ ထိရောက်ပေမည်။ ထိုသို့ စောင့်ထိန်းလိုက်နာခြင်းဖြင့် မိမိတို့၏ဘာသာတရားကို စောင့်ရှောက်ရန် မိမိကိုယ်တိုင် စစ်မှန်စွာ ဗုဒ္ဓဘာသာ၏ အနှစ်သာရများကို နားလည်ပြီးမြတ်ဘုရားရှင်၏ ဆိုဆုံးမတရားတော်တို့နှင့်အညီ ကောင်းစွာနေထိုင်အသက်ရှင်သူဖြစ်လာပါက ထိုဥပဒေ စည်းကမ်းများရှိခြင်း၊ မရှိခြင်းသည် ကောင်းစွာအရေးမပါတော့ကြောင်း သိရှိနားလည်ထားသင့်သည်။
ထို့ကြောင့် တစ်ချိန်ချိန်တွင် မိဘကောင်းများဖြစ်လာကြမည့် ဗုဒ္ဓဘာသာဝင်ကျွန်မတို့အနေဖြင့် မိမိတို့၏ သားသမီး၊ တပည့်မောင်းမများကို စစ်မှန်သော ဗုဒ္ဓဘာသာသက်ဝင်ယုံကြည်သူများဖြစ်လာစေရန် နည်းပေးလမ်းပြ မိမိတို့ကိုယ်တိုင်လည်း ကြိုးစားအားထုတ်ရန် များစွာလိုအပ်လှသည်။ဤသည်ကား ထိုဥပဒေမူကြမ်းနှင့်ပတ်သက်၍ ကျွန်မ၏ ထင်မြင်ယူဆချက်၊ စဉ်းစားတွေးတောမိသည်များကို ဝေမျှခြင်းသက်သက်သည်သာဖြစ်ပါကြောင်း နှင့် စာဖတ်သူများအနေဖြင့်လည်း မိမိတို့နှစ်သက်သလို့ လက်ခံယုံကြည်ခြင်းဖြင့် သဘောထားကွဲလွဲနိုင်ပါကြောင်း ဆိုပါရစေ။
အားလုံးသော စာဖတ်သူအပေါင်း ငြိမ်းချမ်းသာယာရှိပါစေ။